Աշխարհի ամենաթանկարժեք կոկտեյլները. 1in.am

Luxury Launches լրատվական գործակալությունը կազմել է անցած տարի ստեղծված ամենաթանկարժեք կոկտեյլների վարկանիշային ցուցակը: Ներկայացնում է  kedem.ru-ն:

Salvatore’s Legacy կոկտեյլն արժե 8316 դոլար: Այն պատրաստված է 1788թ. կոնյակից, 1770թ. Kummel լիկյորից, 1860թ. Dubb Orange Curacao լիկյորից ու 20-րդ դարի սկզբի Angostura բիտերից:

Նյույորքյան Algonquin հյուրանոցում պատրաստվել է 10.000-15.000 դոլար արժողությամբ Մարտինի օն ռոք: Դրա մեջ սառույցի փոխարեն ադամանդ է օգտագործվում, որի չափից էլ կախված է խմիչքի գինը:

Լաս Վեգասում կարելի է պատվիրել Ono Champagne Cocktail կոկտեյլ՝ շամպայնի, կոնյակի, վարդագույն նեկտարի, ծիրանի խյուսի և նարնջի հյութի հիմքով: Ադամանդներով ու մարգարիտով մանյակի հետ այն արժե 10.000 դոլար:

Մելբուռնում The Winston Club բարն առաջարկում է կոկտեյլ 12.040 դոլարով: Այն պատրաստվում է 48 ժամ՝ խոհանոցի մոլեկուլյար տեխնոլոգիաներով, կոնյակից, բիտերից, շոկոլադի և մշկընկույզի փոշուց, կակաչի սերմերից, վարդերից, կոկոսից ու նարնջից:

Լոնդոնյան Gigi’s ռեստորանն առաջարկում է համանուն կոկտեյլ 14.500 դոլար գնով: Այն բաղկացած է շամպայնից, արմանյակից և խոհարարական ոսկուց:

Տոկիոյի The Ritz Carlton ռեստորանի ճաշացանկում ներառված է Diamonds are Forever կոկտեյլը՝ 22.600 դոլար արժեքով: Դա պարզապես Grey Goose օղի է՝ լայմով ու հրաշալի ադամանդով:

ԱՄՆ-ում White Barn Inn բարն իր 40.000-դոլարանոց կոկտեյլի համար օգտագործում է 4-կարատանոց սուտակ, օղի, St. Germain լիկյոր, գրեյպֆրուտի և նռան հյութ:

Մոսկովյան «Ռեկա» բարում պատրաստվում է «Մոսկվա-ռեկա» կոկտեյլը, որն արժե 50.000 դոլար: Այն 3 ադամանդ է պարունակում:

Հարցեր, պատասխաններ, մեկնաբանություններ